Fai un mes fuí a la gueta, a Pertegal y la hueria en sama, al baxar pareme en casa de Maruxa, una prima carnal de mi padre, de 85 años, socialista de to la vida, igual que su difuntu esposu, Pepe el praticante, y deciame ella que tenía pena por Carrillo. Me vien esto a la cabeza, viendo el pasado fin de semana, la parafernalia que montó el PSOE, pa celebrar el treinta aniversario del algamar el poder en 1982. Diome la impresión que Maruxa poco sentía pol psoe, y el rumbo que lleva en estos días. Hoy 4 de diciembre, ye un día marcau en mi mente, ya desde mis años en la hueria , en la joécara, los años en el orfanato de mineros asturianos, (OMA), y los pocos años que trabayé en la mina. Pero el motivu principal, será y seguro que ye, la sangre minera que tengo por to les rames familiares,y tan orgullosu toy de ello. Nietu, fiu, sobrin de mineros , xente brava, solidaria,y de la que aprendí a decir la palabra "compañeru" que tantes veces y oí a mio pá, al que tanto quiero y admiro, a pesar de facer casi doce años que la silicosis lu llevó, alcuerdome de mis güelos, y de to la xente que allí en la hueria, nel bar de mi madre se sentaben en invierno al pie de la chimenea con la cacipla de vino caliente, y les tertulies que facíen, de si tuve que postiar de chulana, si diben cambiar la mula por una máquina, que si les güelgues.... Siento la mina como algo que llevo dentro, y to los 4 de diciembre, dexo mi mente pasear por toa mi vida, sin escaecer cuales son mis orígenes mineros, y esi terruñu del monte ,donde nací..............
